De me

Professor associatus sum in Departamento Litterarum Universitatis de los Andes, Bogotá, in Columbia, cuius Departamenti nunc prefectus sum. Docendo et inquirendo circa opera et auctores antiquos et medii evi traditionis occidentalis, scilicet Latine, versor. Humanitates digitales quoque defendo.
Gradum doctoris (DPhil) in philosophia adeptus sum in Collegio Balliolensi Universitatis Oxoniensis (2014), dissertatione de logica et semantica Guillelmi de Ockham, philosophi seculi XIV, conscripta.
Editor adiunctus et consiliarius technicus sum editionis digitalis Ordinationis Ade de Wodeham in rete, quam professor Jeffrey C. Witt dirigit. Coeditor quoque sum Programming Historian en español.
Paginam meam in Academia hic invenies.
Lingue programmandi Python valde faveo, necnon LaTeX, systemati documentorum componendorum et lingue notationis. Programmata mea, scripta et instrumenta quibus utor in pagina Programmata inveniuntur.
Ut vides, programmata apertis fontibus et scripta omnibus libere patentia defendo.